EUROLEAGUE
Fenerbahçe Ulker ngjitet në krye
13 March, 2015 @23:22
Seria perfekte e Fenerbahçe Ulkerit në Euroligë ka vazhduar edhe në xhiron e dhjetë të fazës së dytë grupore.
Pas fitores shumë të rëndësishme si mysafire dy xhiro më parë ndaj CSKA-së, skuadra turke kësaj radhe e mposhti një rival të fortë, Olympiakosin, dhe atë poashtu si mysafire.
Andrew Goudelock ishte i pandalshëm për grekët, pasi shënoi 6 treshe në 7 tentime, derisa e përmbylli takimin me 24 pikë. Përveç tij u dallua edhe Nemanja Bjelica që shënoi 16 pikë e 9 kërcime.
Në anën tjetër, më i miri ishte Oliver Lafayette me 14 pikë, kurse lojtari kryesor i Olympiakosit, Vassilis Spanoulis, u ndal në vetëm 5 pikë, megjithëse asistoi plotë 10 herë.
Kosovari i Fenerbahçe Ulkerit, Kenan Spahi, nuk ishte përfshirë fare në përbërjen e skuadrës së tij për këtë ndeshje nga trajneri Zeljko Obradovic.
Kjo ishte fitorja e shtatë rresht për Fenerin, i cili tashmë së bashku me Olympiakosin dhe CSKA-në, kryeson në radhitjen tabelare të grupit F me 8 fitore e 2 humbje.
Rezultatet e xhiros 10
| Zalgiris - Panathinaikos | 76-70 | ||
| Barcelona - Maccabi Tel Aviv | 89-71 | ||
| Galatasaray - Crvena Zvezda | 68-91 | ||
| Real Madrid - ALBA Berlin | 93-62 | ||
| EA7 Armani - Unicaja | 90-86 | ||
| Olympiakos - Fenerbahce Ulker | 64-73 | ||
| CSKA - Anadolu Efes | 88-83 | ||
| Nizhny Novgorod - Laboral Kutxa | 89-85 |
TABELA E GRUPIT E
| 1 | Real Madrid | 9-1 | ||
| 2 | Barcelona | 7-3 | ||
| 3 | Maccabi Tel Aviv | 6-4 | ||
| 4 | Panathinaikos | 5-5 | ||
| 5 | Zalgiris | 4-6 | ||
| 6 | ALBA | 4-6 | ||
| 7 | Crvena Zvezda | 3-7 | ||
| 8 | Galatasaray | 2-8 |
Tabela aktuale në grupin F
| 1 | CSKA | 8-2 | ||
| 2 | Fenerbahce Ulker | 8-2 | ||
| 3 | Olympiakos | 8-2 | ||
| 4 | Anadolu Efes | 4-6 | ||
| 5 | Laboral Kutxa | 4-6 | ||
| 6 | Nizhny Novgorod | 3-7 | ||
| 7 | EA7 Armani | 3-7 | ||
| 8 | Unicaja | 2-8 |
