FIBA
BOROZANI/D.S.
FBK u pranua në FIBA
13 March, 2015 @21:43
Federata e Basketbollit të Kosovës është pranuar në FIBA duke u bërë anëtari i 215-të i saj në botë dhe i 52-ti i FIBA Europa.
Komiteti Ekzekuti i FIBA-së ka pranuar me të drejta të plota FBK-në si anëtare të saj, pasi që drejtuesit e FBK-së aplikuan muaj më parë në shtëpinë botërore të basketbollit për anëtarësim.
“Vendimi për pranimin e FBK-së vjen pas atij të Komitetit Olimpik Ndërkombëtar në dhjetor të vitit 2014 që pranoi Komitetin Olimpik të Kosovës me të drejta të plota,” ka shkruar ndër të tjera faqja e FIBA-së si arsyetim në vendimin e saj.
Prej vendimit të sotëm, FIBA Europe do të punojë që të inkorporojë ekipet përfaqësuese të Kosovës në të gjitha garat e saj që nga vera e këtij viti, ka shkruar faqja zyrtare e FIBA-së.
