Gjyqtarët kosovarë stinorin tjetër në BIBL!

Referët kosovarë shumë shpejt pritet ë jenë pjesë e ligës ballkanike. Pas dy stinorëve të pranuar në këtë ligë, ku ekipet marrin pjesë me plotë sukses, stinorin e radhës, aty pritet të referojnë edhe gjyqtarët e Superligës. 

“Jam optimist se referët tanë prej edicionit të ardhshëm do të jenë pjesë e BIBL,” ka thënë Sekretari Gjeneral i FBK-së, Leart Hoxha për Kohën Ditore dje. 

Pranimi i FBK-së në FIBA do të mund të bënte edhe më shumë favor referëve, pasi që ata kështu do të licencoheshin edhe si referë ndërkombëtarë. 

Referët kosovarë kanë qenë të paraparë që të përfshihen në ligën e juniorëve të BIBL këtë stinor, mirëpo ky projekt nuk u realizua sivjet.