‘Mburrem me ju’

Ylli i skuadrës së Prishtinës, Dardan Berisha, që ka munguar në ndeshjen e sontme të ekipit të tij ndaj Craiovas, për shkak të një lëndimi, ka përgëzuar shokët e skuadrës për fitoren e arritur. 

“Bravo djema, mburrem me ju! Bashkë do t’ia dalim dhe më 25 mars do të japim shpirtin në atë lojë. Më keni motivuar që të rikthehem edhe më shpejtë,” ka thënë Berisha pas ndeshjes, transmeton faqja zyrtare e klubit bardhekaltër në Facebook. 

Dardan Berisha është koshashënuesi më i mirë dhe MVP i pjesës së rregullt të stinorit në ligën ballkanike. Mesatarja e pikëve të shënuara nga Berisha është 28 për ndeshje, derisa indeksi i rëndësisë së tij për ndeshje është 21.7. 

Prishtina ka mposhtur Craiovan në ndeshjen e parë çerekfinale në BIBL sonte, derisa pas dy javëve do të kërkojë biletën për gjysmëfinale ku e pret Kozuvi maqedon. 

Berisha nuk ka udhëtuar fare për në Rumani për shkak të lëndimit, derisa ka shikuar ndeshjen përmes televizorit sonte.