Një hap afër gjysmëfinales

Sigal Prishtina ka arritur të shënojë fitore të rëndësishme në Craiovë të Rumanisë sonte për të marrë epërsi 4 pikëshe për ndeshjen e radhës që luhet në Prishtinë, dy javë më vonë. 

Jordan Hulls ka shkëlqyer duke shënuar 28 pikë në fitoren e bardhekaltërve sonte, derisa ka pasur 6-4 saktësi për treshe dhe 6-6 nga gjuajtjet e lira. 

Atij i ka ardhë ndihmë e jashtëzakonshme nga Bojan Trajkovski që shënoi 13 pikë, 8 kërcime dhe regjistroi një bllokadë. 

Te Craiova, pikat më të ndritshme kanë qenë Travis Bureau me 19 pikë e 9 kërcime, ndërsa Milivoje Bozovic ka regjistruar 17 pikë e 10 kërcime. Aty gjithashtu u dallua edhe ish lojtari i Pejës, Radomir Marojevic që shënoi 15 pikë. 

Ndeshja filloi me kujdes nga të dyja palët dhe çereku i parë përfundoi me rezultat të barabartë, 15-15. Në vazhdim Prishtina ndezi motorët për të krijuar epërsi 7 pikëshë në fund të pjesës së parë. 

Edhe çereku i tretë i takoi Prishtinës, që në fund të saj ngriti epërsinë e rezultatit të përgjithshëm në 10 pikë, ndërsa Craiova shpresoi të fitonte në atë të fundit. 

Mirëpo me të nisur Prishtina shënoi treshe përmes Jordan Hullsit, që ishte në ditën e tij sot, duke shënuar thuajse nga çdo pozitë. Kjo preu rumunët të cilët deri në fund tentuan vetëm të nxjerrin humbjen sa më minimale të mundshme, e Prishtina shkoi lehtë te fitorja në fund me epërsi 4 pikëshe. 

Ndeshja e kthimit zhvillohet në Pallatin e Rinisë dhe të Sporteve më 25 mars. 

Statistikat ekipore

Statistikat individuale te Craiova

Statistikat individuale te Prishtina