PËRFORCIMI I RADHËS
Feronikeli me qendër të re para duelit ndaj Pejës
23 January, 2020 @21:27
Skuadra e Feronikelit, që po debuton në Superligë këtë stinor ka zyrtarizuar arritjen e radhës në klub.
Skuadra nga Drenasi ka nënshkruar marrëveshje me basketbollistin amerikan Tavarion Nix, që luan në pozitat 4 dhe 5, ndërsa pritet që shpejt t’i kompletohet dokumentacioni.
Me arritjen e tij dhe me regjistrimin që i është bërë së fundi, ai pritet të jetë i gatshëm për duelin e së dielës ndaj Pejës në kuadër të xhiros së XXII të Superligës.
Njëjtë, Nix do të ketë të drejtë të luajë edhe në Final 8 të Kupës së Kosovës, ku Feronikeli do të përballet ndaj Bashkimit në luftën për biletë për Final Four.