Shqipëria gjobitet dhe rrezikon tribunat prapa portave

UEFA nuk ka kursyer fare Shqipërinë, në fakt FSHF-në, në masat e saja disiplinore të shqiptuara pas ndeshjes ndaj Polonisë, të cilën Shqipëria e fitoi 2-0.

Pos dënimit me të holla, tashmë Shqipëria rrezikon edhe stadiumin “Air Albania” për tribunat prapa portave. Kjo mbyllje do të jetë me kush, pasi hyn në fuqi nëse konstatohet shkelje e një lloji të tillë në ndeshjet e ardhshme.

VENDIMET E UEFA-së:

Shqipëria:
FSHF gjobitet me 30 mijë euro - për hedhjeen e flakadanëve, gjësendeve dhe akte dëmtimi! Mbyllja e pjesshme e stadiumit (veri dhe jug) nëse FSHF si vendase përsërit mos-sigurinë e duhur.
FSHF gjobitet me 14 mijë euro për bllokimin e kalimeve publike!
Pos kësaj, FSHF-së i janë lëshuar paralajmërime të ashpra: për sjelljen e pahijshme të skuadrës, për reklamën e ndaluar të sponsorëve në çanta, për mosrespektimin e kërkesave minimale mjekësore, organzimin e pamjaftueshëm dhe mos-zbatimin e stratigjisë së duhur të ndarjes së biletave, mediat e paautorizuara në fushë.

Polonia:
PZPN gjobitet me 15 mijë euro. Federatës polake i ndalohet shitja e biletave për ndeshje si mysafir tifozëve të saj për ndeshjen e radhës jashtë vendit. Kjo, gjithashtu do të vlejë edhe për ndeshjet e ardhshme, nëse vërtetohet hedhja e flakadanëve nga tifozët polakë si mysafir.
PZPN gjobitet me 5 mijë euro për dëmet e shkaktuara në “Air Albania”.
PZPN obligohet të kontaktojë FSHF-në për shlyerjen e dëmeve të shkaktuara.
PZPN paralajmërohet që të kontrollojë sjelljen e pahijshme të ekipit të saj.