FERONIKELI - UNITED BASKETBALL
Feronikeli merr lidershipin
10 November, 2018 @21:48
Skuadra nga Drenasi, Feronikeli, po vazhdon rrugën e saj drejt Superligës pa humbje.
Viktima e radhës ishte United Basketball, të cilin e mposhtën me rezultat të thellë 112-61.
Mustafë Merovci ishte më i dalluari me 24 pikë e 10 kërcime, derisa u ndihmua edhe nga Arti Hajdari me 23 pikë, 7 topa të vjedhur dhe 5 asistime.
Te United Basketball si zakonisht sivjet në skenë është lojtari dhe trajneri njëkohësisht, Laurant Ibrahimi. Ai luajti me 33 pikë e 10 kërcime, por nuk mjaftoi për fitore.
Feronikeli me një ndeshje më pak gjendet në krye të tabelës së paku deri nesër, bilanci i tyre është 5-0, ndërsa United Basketball në 7 ndeshje të zhvilluara nuk e ka shijuar ende fitoren.
