Fitore për ruajtjen e kreut

Në takimin hapës të xhiros së tetë të Superligës së Kosovës në basketboll, Rahoveci ka shënuar fitore ndaj skuadrës Borea nga Peja.

‘Vreshtarët’ krijuan epërsi të konsiderueshme pas pjesës së parë, ndërsa tentimet e pejanëve për t’u rikthyer në lojën në pjesën e dytë nuk ndryshuan rezultatin dhe ndeshja u mbyll me fitoren e Rahovecit me rezultat 103-90.

TABELA AKTUALE

Më të dalluarit te Rahoveci sonte ishin Dashon Minnis me 23 pikë, 10 asistime e 6 kërcime dhe James Stanback me 22 pikë, 4 kërcime e 3 asistime, kurse te Borea më i miri shte Beqë Kovaqi me 31 pikë, 7 kërcime e 4 asistime.

Kjo fitore ia ruan kreun e klasifikimit Rahovecit, të paktën përkohësisht, kurse Borea pas 8 xhirove ka 2 fitore dhe 6 humbje.