BASHKIMI
Kampioni gjen zëvendësimin e Gorskit
9 November, 2018 @17:17
Kampioni aktual i Superligës së Kosovës në basketboll, Bashkimi, ka gjetur zëvendësimin e lojtarit Alex Gorski, i cili është larguar nga skuadra.
Steven Haney do të jetë përforcimi i Bashkimit. Ai është 23 vjeçar, i gjatë 198 cm, derisa luan në pozitat 2 dhe 3.
Haney së fundi ishte pjesë e skuadrës Loyola Marymount University në SHBA, ku kishte një mesatare prej 12.9 pikëve për ndeshje.
Bashkimi në shtatë ndeshjet e zhvilluara ka bilanc prej 3 fitoreve e 4 humbjeve në Superligë, derisa në Ballkan Ligë në 3 ndeshjet e zhvilluara nuk e ka shijuar ende fitoren.
