Në formë edhe pa Westbrookun

Forma fenomenale e Oklahoma City Thunderit vazhoi edhe në ndeshjen kundër Houstonit.

Fitoren e shtatë rresht Oklahoma e regjistroi kundër Houstoni, duke e mposhtur kundërshtarin me rezultat 98-80.

Paul George ishte kryesuesi në këtë ndeshje me 20 pikë, 11 kërcime, 6 asistime e 6 topa të vjedhur, derisa Oklahoma ishte në parket pa yllin Russell Westbrook, i cili për shkak të lëndimit nuk luajti.

Te Houstoni më i dalluari ishte James Harden me 19 pikë, 8 kërcime e 5 asistime.

TABELA AKTUALE

Oklahoma City Thunder, pas 4 humbjeve rresht në fillim të stinorit, me një seri prej 7 fitoreve u ngrit në pozitën e katërt në Konferencën Perëndimore, derisa te Houstoni gjërat nuk po shkojnë siç duhet. Raketat aktualisht gjenden kah fundi i tabelës me 4 fitore e 6 humbje.