SUNS - CELTICS
FOTO/ nba.com
Prej minus 22 pikë, në fitore
9 November, 2018 @10:15
Skuadra më e trofeshme në NBA, Boston Celtics, pas vazhdimeve arriti ta mposhtë Phoenix Sunsin me rezultat 109-116.
Përqindja shumë e ulët e gjuajtjeve të Bostonit, bëri që Phoenixi të kaloi 22 pikë epërsi në pjesë të parë, por në pjesën e dytë Bostoni u këndell. Performanca e Irvingut me shokët, së pari e dërguan ndeshjen në vazhdime dhe më pas e fituan ndeshjen.
Irving shkëlqeu me 39 pikë, 7 kërcime e 6 asistime, ndërsa në anën tjetër më i dalluari ishte T.J Warren me 29 pikë e 7 kërcime.
Bostoni me 7 fitore e 4 humbje, gjendet në pozitën e tretë në Konferencën Lindore, ndërsa Phoenixi është në fund të Konferencës Perëndimore me 2 fitore e 9 humbje.
