JORDAN CAPPS
Mbetëm pa karburant në pjesë të dytë
8 November, 2018 @12:58
Njëri ndër përforcimet më të dalluara të Bashkimit këtë stinor, Jordan Capps, ka qenë përsëri koshashënuesi më i mirë i ekipit.
Ndërsa Bashkimi është mposhtur edhe në ndeshjen e tretë radhazi në kuadër të BIBL këtë edicion.
Në deklaratën e tij pas ndeshjes, Capps ka thënë se ekipi në pjesë të dytë mbeti pa karburant.
“Pjesa e parë ishte sfiduese dhe luftarake. Në pjesë të dytë mendoj se mbetëm pa karburant. I lamë të shënojnë lehtë dhe nuk arrinim të shënonim thuajse nga asnjë pozitë,” ka thënë Capps për faqen zytare të BIBL.
Në duelin e radhës, Bashkimi është përsëri vendas dhe kësaj radhe do të luaj ndaj Kozuvit të Maqedonisë.
