VIGAN MALOKU
U vendos në pjesë të dytë
8 November, 2018 @12:38
Pas humbjes së tretë me radhë këtë stinor në BIBL, ndihmës trajneri i Bashkimit, Vigan Maloku, në deklaratën e tij për faqen zyrtare të ligës ka bërë të ditur se mbrojtja ka dështuar në këtë ndeshje.
“Mbrojtja jonë ishte e dobët. Kemi pasur shumë topa të humbura në çerek të parë, kur ata krijuan avantazhin e parë të lartë. Pas kësaj ne u kthyem në lojë, mirëpo në pjesë të dytë humbëm edhe fokusin dhe ndodhi humbja e rëndë,” ka thënë Maloku.
Bashkimi pas tre xhirove të para të edicionit 2018/19 në BIBL ka tre humbje. Parmbrëmë ata u mposhtën me 40 pikë dallim nga Akademik Bultex i Bullgarisë.
