Festa e Teleboysave!

Derbi i xhiros së fundit të BKT Superligës, luhet në Prishtinë, ku RTV 21 pret Sigkos Bashkimin. 

Senzacioni i vitit në BKT Superligë, RTV 21, ka arritur të sigurojë një vend në Play-Off dhe ndeshjen e fundit ndaj Bashkimit do ta luaj pa stres. 

E ka qenë pikërisht Sigkos Bashkimi, viktima e parë e TOP 4-shes të cilën RTV 21 arriti ta fitonte në ciklin e parë të ndeshjeve të kampionatit. Pas kësaj ndeshjeje Teleboysat debutues në Superligë, nuk kishin të ndalur duke i mposhtur së paku nga njëherë të gjitha ekipet e TOP 4-shes. 

Bile, RTV 21 ia kishte marrë edhe tre basketbollistë Sigkos Bashkimit gjatë afatit kalimtar dimëror, që i dobësoi prizrenasit mjaft. Urim Zenelaj, Elvan Iljazi dhe Artan Krasniqi, kaluan si lojtarë të lirë te Teleboysat. Dy të parët kanë qenë në pesëshen e parë të Adin Adinovicit në çdo ndeshje, bashkë me treshen e huaj Brandon Roberson, Kendrick Jones dhe Ersan Ozseven. 

Liderja e kampionatit, Peja, do të ketë punë të lehtë ndaj Kosovës së Vushtrrisë në Karagaç, ku Rudolf Jugo mund t’i pushojë shumicën e lojtarëve kryesorë. 

Sigal Prishtina luan ndaj Dritës, e cila ka siguruar mbetjen në elitë, ndërsa kampioni i befasuar, Trepça, që ka mbetur pa përfundimtaren e garave në luftë për të mbrojtur titullin, ndeshet me Vëllaznimin. 

Tabela aktuale.

BKT SUPERLIGA - XHIROJA XXVIII (E FUNDIT)