NIS STINORI
Foto: KB Bashkimi Official
Festë në Prizren, debutim me fitore për Bashkimin
13 October, 2015 @20:54
Tree Bussey me performancën e shkëlqyer të tij i ka kontribuuar fitores së parë të Bashkimit në gara ndërkombëtare, derisa atij i ndihmuan tepër shumë dyshja Granit Rugova dhe Gerti Shima në përballje ndaj Pejës.
Tay Waller shënoi 19 pikë, derisa Rugova e Shima shënuan nga 17, përkatësisht 15 pikë në fitoren e portokallezinjëve ndaj verdhezinjëve.
Te Peja, që përjetoi humbjen e parë të këtij stinori më i dalluari ka qenë Roland Davis, që po merr epitetin e liderit të ekipit. Davis shënoi 24 pikë, derisa Drilon Hajrizi regjistroi 18 pikë të tjera për Pejën, të pamjaftueshme për fitore.
Çereku i parë i ndeshjes shkoi barabartë, 20-20. Më pas, në çerekun e dytë Bashkimi krijoi një epërsi të lehtë prej 5 pikësh në fund të saj, për të siguruar një pushim paksa të qetë.
Kur nisi pjesa e dytë, Peja dukej më e rrezikshme, por Bashkimi nuk la asgjë mangu, duke arritur që të mbrojë rezultatin për 10 mintuëshin e fundit, ku hyri me 4 pikë diferencë.
Në çerekun e fundit Bashkimi nisi me seri 5-0 për të krijuar epërsi 8-10 pikëshe që varionte sipas sulmit.
Këtë prizrenasit arritën të mbrojnë deri në fund për të shënuar fitoren e parë të tyre ndërkombëtare, në ndeshjen debutuese ndaj Pejës. Kjo ka qenë humbja e parë për Pejën këtë stinor në të gjitha garat.
Statistikat ekipore
| Bashkimi | Peja | ||
| Çereku i parë | 20 | 20 | |
| Çereku i dytë | 21 | 16 | |
| Çereku i tretë | 16 | 17 | |
| Çereku i katërt | 25 | 20 | |
| Kërcime | 33 | 41 | |
| Asistime | 17 | 14 | |
| Bllokada | 3 | 3 | |
| Topa të vjedhur | 7 | 1 | |
| Topa të humbur | 5 | 12 | |
| Tentime për tre pikë | 6/23 | 6/27 | |
| Tentime nga loja | 28/64 | 24/68 | |
| Tentime nga gjuajtjet e lira | 20/29 | 19/22 |
Statistikat individuale te Bashkimi
| 1 | Theron Bussey | 19 pikë | 9 kërcime | 9 asistime |
| 2 | Tay Waller | 19 pikë | 3 kërcime | 1 asistim |
| 3 | Granit Rugova | 17 pikë | 3 asistime | 2 kërcime |
| 4 | Gerti Shima | 15 pikë | 9 kërcime | 2 asistime |
| 5 | Sani Ibrahimi | 6 pikë | 2 kërcime | 2 asistime |
| 6 | Efthimios Tsakaleris | 6 pikë | 5 kërcime | |
| 7 | Imer Tahiri | 1 kërcim |
Statistikat individuale te Peja
| 1 | Ronald Davis | 24 pikë | 4 kërcime | 4 asistime |
| 2 | Drilon Hajrizi | 18 pikë | 3 kërcime | 3 asistime |
| 3 | Nenad Delic | 16 pikë | 14 kërcime | |
| 4 | Kevin Burwell | 13 pikë | 6 asistime | 4 kërcime |
| 5 | Alban Veseli | 2 pikë | 6 kërcime | |
| 6 | Rron Grapci | 4 kërcime | 1 asistim | |
| 7 | Sam Muldrow | 1 kërcim | ||
| 8 | Samir Zekiqi | 1 kërcim |
