PARA NDESHJEVE KUALIFIKUESE
Torun, qyteti ku po mblidhen basketbollistët para ndeshjeve të radhës.
Fillon grumbullimi i Kosovës
19 February, 2018 @13:32
Basketbollistët e përfaqësueses së Kosovës, kanë filluar të arrijnë në Poloni, secili nga vendet ku luan me ekipet e tyre.
Dardan Berisha nga Çekia, pastaj Gëzim Morina e Erjon Kastrati nga Sllovenia, kanë qenë të parët që kanë arritur në Torun të Polonisë, ku sot bëhet grumbullimi i basketbollistëve.
Këtu, Kosova nën drejtimin e trajnerit Brad Greenberg, do të nis përgatitjet për duelet e radhës në kualifikime për Botërorin Kina 2019.
ORARI, NDESHJET DHE TABELA KUALIFIKUESE
Më 23 shkurt Kosova zhvillon duelin e parë ndaj Polonisë, ndërsa më 26 shkurt zhvillon duelin ndaj Lituanisë.
Deri tash, Kosova ka regjistruar dy disfata në dy duelet e para kualifikuese.
