GAME 2: PRISHTINA - BASHKIMI
TOPSPORTI / A.P
Fiton edhe pa Dardanin, i afrohet finales
26 April, 2019 @20:45
Prishtinës i ka takuar edhe ndeshja e dytë e serisë gjysmëfinale mes skuadrës kryeqytetase dhe Bashkimit, kampionit në fuqi të Kosovës.
Për dallim nga ndeshja e parë, e cila kaloi me dominim total të Prishtinës, ndeshja sonte pak ishte më e barabartë, kjo për shkak që te Prishtina për asnjë minutë nuk u aktivizua Dardan Berisha, lojtar kryesor i skuadrës, por megjithatë, prishtinasit nuk e lëshuan përqëndrimin as në momentet kur Bashkimi krijoi epërsi të lehtë në çerekun e katërt dhe me shënimet vendimtare të Tmusic e Myles, arritën ta mbyllin ndeshjen me fitore 97-88.
25-26, 28-23, 26-24 dhe 18-15 ishin rezultatët e çerekëve veç e veç, gjë që e dëshmon që ndeshja mes skuadrave ishte mjaft e ngushtë.
Më i dalluari te Prishtina sonte Divine Myles me 30 pikë, 9 kërcime e 6 asistime, derisa te Bashkimi edhe sonte u veçua Jordan Capps me 29 pikë e 6 kërcime.
Kujtojmë që Prishtina këtë edicion nuk di për humbje në as edhe një ndeshje në të gjitha garat e basketbollit vendor.
Sipas sistemit 2-2-1, ndeshja e tretë e serisë luhet në Prizren, ndeshje kjo që nëse fitohet nga Prishtina, seria mbyllet dhe Prishtina shkon në finale.
