ISTOGU - VUSHTRRIA
Fitorja e 10 e sezonit, përforcohet pozita e dytë
11 March, 2022 @22:10
Skuadra e dytë që arriti fitore dyshifore në Ligën e Parë u bë Vushtrria.
Vushtrria e mposhti Istogun me rezultat 64-70 dhe e përforcoi pozitën e dytë në Ligën e Parë.
Mbrojta e skuadrës së Vushtrrisë në çerekun e parë ishte shumë e koncentruar, ku pësuan vetëm 6 pikë dhe më pas nuk gabuan për ta regjistruar fitoren e 10 të stinorit.
Erhan Sholla me 21 pikë e 5 këricme ishte më i miri i Vushtrrisë, kurse u ndihmua edhe nga Albion Imeri me 17 pikë e 9 kërcime.
Te Istogu u dalluan Labinot Kelmendi me 23 pikë, Sam Taylor me 19 pikë e 16 kërcime dhe Andi Kabashi me 10 pikë, por nuk mjaftoi për fitore.
Vushtrria me 10 fitore e 5 humbje gjendet në pozitën e dytë, kure Istogu me 9 fitore e 6 humbje gjendet në pozitën e tretë.
Në xhiron tjetër Vushtrria e pret liderin pa humbje Vëllaznimin, derisa Istogu takohet me Feroniklin.
