VËLLAZNIMI - AS PRISHTINA
TOPSPORTI / Arian Paçarizi
Lideri ngrit serinë e fitoreve në 15 ndeshje
11 March, 2022 @21:06
Lideri i Ligës së Parë, Vëllaznimi, serinë e fitoreve e ngriti në 15 ndeshje rresht, duke e mposhtur AS Prishtinën me rezultat 92-55.
Që në çerekun e parë, duke shënuar 37 pikë dhe pësuar 8 pikë, skuadra gjakovare e ngriti epërsinë dhe nuk e lëshoi deri në fund të ndeshjes.
Bardhi Rexha ishte më i miri me 23 pikë e 18 kërcime, derisa u dalluan edhe Atik Koshi me 21 pikë, Engjëll Sollova me 12 pikë dhe Besnik Azemi me 11 pikë e 12 kërcime.
Te AS Prishtina i vetmi me pikë dyshifrore ishte Dardan Sejdiu me 25 pikë. Ai i rrëmbeu edhe 14 kërcime.
Vëllaznimi me 15 fitore është skuadra e vetme pa humbje, kurse AS Prishtina me 5 fitore e 10 humbje gjendet në pozitën e 8.
Skuadra gjakovare në xhiron e 16 do të takohet me Vushtrrinë, derisa AS Prishtina e pret New Basketin.
