KBF BASHKIMI - KBF TREPÇA
Fitorja e dytë brenda dy ditëve ndaj Trepçës
13 December, 2021 @21:41
Ndeshja e mbetur në mes të KBF Bashkimit dhe KBF Trepçës, në kuadër të xhiros së pestë në Ligën e Femrave, është luajtur sonte në palestrën “Sezai Surroi”.
Skuadra e Bashkimit, që e mposhti skuadrën mitrovicase para dy dite, triumfoi edhe në këtë ndeshje me rezultat 96-41 dhe e mbylli vjeshtën me fitore.
Sarra Vraniqi ishte më e dalluara te Bashkimi me 26 pikë, 11 kërcime, 4 asistime e 4 topa të rrëmbyer, derisa u ndihmua edhe nga Janelle Porter me 20 pikë, 7 kërcime e 6 topa të rrëmbyer dhe nga përforcimi i ri Connally Banks me 14 pikë e 10 kërcime.
Te Trapça si zakonisht më e mira ishte Ta’Sharra Jeffries. Ajo luajti me 19 pikë, 10 kërcime e 8 topa të rrëmbyer.
Bashkimi e mbylli vjeshtën me 6 fitore e 4 humbje, kurse Trepça me 3 fitore e 7 humbje.
