DRITA - GJILANI
Fitorja e parë kërkohet në derbi, Drita për krye
11 March, 2021 @11:16
Njëra ndër derbit më të zjarrtë në Superligën e Kosovës, Drita - Gjilani, sot do të luhet nga ora 13:00.
Drita në këtë stinor nuk pësoi në dy ndeshjet e luajtura ndaj Gjilanit. Ndeshja e parë përfundoi pa gola 0-0, derisa Drita e mposhti në ndeshjen e dytë kundërshtarin me rezultat 2-3.
Gjilani është pa fitore në 5 ndeshjet e fundit, kurse Drita në xhiron e kaluar e mposhti Feronikelin dhe i nevojitet fitorja për t’u rikthyer në krye të tabelës.
Drita me një ndeshje më pak gjendet në pozitën e dytë me 50 pikë, sikurse liderja Prishtina, kurse Gjilani me 33 pikë në pozitën e katërt.
