Forca jonë është nën kosh

Trajneri i ri i Teutës së Durrësit, Miodgrad Baletic, pas fitores ndaj Bashkimit ka treguar se ekipi ka luajtur mbrotje të mirë për të arritur te fitorja.

Ai gjithashtu ka theksuar se Teuta ka forcën nën kosh, të cilën e ka shfrytëzuar për të arritur në fitoren që u jep gjasa të mëdha atyre për Final Four të BIBL.

TABELA AKTUALE

“Kemi luajtur mbrojtje të mirë dhe jemi organizuar në çdo sulm, veçanërisht nën kosh. Jemi me të vërtetë të fortë nën kosh dhe kjo solli avantazhin në lojë. Lojtarët tanë kuptuan se si luhet ndaj Bashkimit, duke ua ndalë dy lojtarët kryesorë. Kemi kryer ndeshjen në mënyrë inteligjente dhe jam i lumtur për këtë fakt,” ka thënë malazezi Baletic.

Teuta ka shënuar fitoren e tretë me radhë në BIBL dhe tash ka bilanc 6-3 që e afron shumë për një pozitë në Final Four të BIBL, në vitin debutues për ekipin durrësak.