VIGAN MALOKU
Mbrojtja, pika e dobët e ndeshjes
17 January, 2019 @14:02
Bashkimi mbrëmë regjistroi humbjen e gjashtë në shtatë ndeshje të zhvilluara në BIBL, ndërsa pas ndeshjes ndihmëstrajneri i ekipit Vigan Maloku ka treguar se mbrojtja e dobët ekipore ka qenë shkaktare për këtë humbje.
“Mbrojtja ka qenë pika e dobët e jona në këtë ndeshje. Lejuam që ata të futen në tranzicion dhe të shënojnë pikë të lehta. Vetëm nga ky fakt kemi pranuar 30 pikë, që tregon arsyen e humbjes,” ka thënë Maloku për faqen zyrtare të BIBL.
Pas kësaj ndeshjeje Bashkimi është mysafir i Akademik Bultexit më 22 janar, në përballjen e radhës në kuadër të BIBL.
