Gabimet e pashpjegueshme

Ia nisi ligës ballkanike me ekipin e tij të ri në “Karagaç” aty ku kishte dy beteja të humbura me ish ekipin, Sigal Prishtinën. 

Por, “Karagaçi” si duket këtë stinor për trajnerin Marjan Ilievski është arrë që nuk po thehet. 

“Jam i kënaqur me lojtarët e mi dhe me lojën e treguar në një palestër të vështirë për mysafirët,” ka thënë Ilievski për faqen zyrtare të BIBL pas humbjes në sekondën e fundit nga Peja. 

“Ne kontrolluam pjesën më të madhe të ndeshjes, por i bëmë disa gabime të pashpjegueshme dhe në fund kjo na kushtoi. Ka qenë ndeshje shumë e rëndësishme për ne, por Peja në fund kishte më shumë fat,” ka shtuar Ilievski. 

Kozuv pas dy ndeshjeve në Grupin D ka dy humbje dhe të dyja këto nga ekipet kosovare, Sigal Prishtina dhe Peja.