Genk rikthen Zhegrovën, pa vazhduar kontratën

Skuadra e Genkut në Belgjikë, ka bërë të ditur edhe zyrtarisht sot se mesfushori ofanziv këmbëshpejtë i Kosovës, Edon Zhegrova, i është kthyer ekipit.

Zhegrova pas një viti e gjysmë të kaluar si huazim te ekipi i Baselit në Zvicër i kthehet Genkut, ndërsa marrëveshje për transfer definitiv të lojtarit nuk është arritur ende, pasi që kosovari ka kontratë valide me klubin deri në verën e ardhshme.

Futbollisti 21-vjeçar aktualisht është i lënduar dhe do të stërvitet individualisht, ka bërë të ditur Genk, derisa të bëhet plotësisht i gatshëm për ekipin e parë.