George lëshon rast ideal, Suns fiton dramën në sekondën e fundit

Një ndeshje me plotë emocione u zhvillua sot në mëngjes në mes të Phoenix Suns dhe Los Angeles Clippers.

Sidomos fundi i ndeshjes ishte një dramë e vërtetë. Paul George e kishte rastin për ta ngritur epërsinë në 3 pikë, por dështoi dy herë nga gjuajtjet e lira.

Në anën tjetër, në 0.9 sekondat e mbetura, qendra Deandre Ayton shënoi pas një alley-oopi dhe ia solli fitoren skuadrës me rezultat 104-103.

Koshashënuesi më i mirë te Suns në këtë ndeshje ishte Cameron Payne me 29 pikë, derisa Deandre Ayton luajti me 24 pikë që ishte shifra më e lartë në karrierën e tij në Play Off.

Te Clippers u dallua Paul George me 26 pikë, 6 asistime e 6 kërcime, por nuk mjaftoi për fitore.

Suns kaloi 2-0 në epërsi në seri. Ndeshja e tretë do të luhet më 25 qershor nga ora 3:00.