ARSENAL - CHELSEA
Gola, emocione, shpërdorime, por jo fitues
3 January, 2018 @22:41
Në një nga ndeshjet më emocionuese të sezonit në Premier League, fitues nuk pati!
Arsenali e Chelsea u detyruan të kënaqen me nga një pikë pas një 90 minutëshi tejet atraktiv për futbolldashësit, të cilët sonte panë gola, shpërdorime, pritje fantastike, ndërhyrje të ashpëra, penallti, por jo edhe fitues.
Për t’u veçuar nga ky takim janë pritjet e mira të portierit Courtois në njërën anë si dhe shpërdorimet e Moratas në anën tjetër, mirëpo nuk munguan as pritjet nga Petr Cech, i cili gjithashtu u tregua vëmendshëm në mundësitë që Chelsea i pati.
Startues për Arsenalin sonte ishin Shkodran Mustafi e Granit Xhaka dhe që të dy luajtën përgjatë gjithë ndeshjes.
Ky barazim bën që Chelsea të bie në vendin e tretë, pasi që Manchester United e ka fituar ndeshjen e xhiros ndaj Evertonit, ndërsa Arsenali mbetet në vendin e gjashtë në tabelë.
