PËRFORCIM I RI
Golden Eagle Ylli përforcohet me Morantin, largon McKayin
2 December, 2020 @12:28
Skuadra e Superligës, Golden Eagle Ylli, ka bërë të ditur se ka arritur marrëveshje me basketbollistin amerikan Demetris Morant.
Morant 206 centimetra i gjatë luan në pozitën e qendrës dhe alo-qendrës dhe pritet të jetë përforcim i dobishëm për ekipin nga Suhareka.
Basketbollisti 28-vjeçar i lindur në Miami të Floridas së SHBA-ve ka bërë karrierë në ekipe të Greqisë, Gjermanisë e Hungarisë më parë dhe ky do të jetë sezoni i parë i tij në Kosovë.
“Ju njoftojmë qe kemi arritur marrëveshje me Demetris Morant i cili luan në poziten 5, ai në të kaluaren ka qenë pjesë e disa kampionateve si: Gjermani, Greqi, Hungari,” ka shkruar njoftimi i skuadrës në llogarinë e Facebookut.
Në ndërkohë, Golden Eagle Ylli ka bërë të ditur se ka ndërprerë marrëveshjen me lojtarin e deritashëm të skuadrës Jameel McKay.