BASHKIMI - BARSY
Hajrizi-Capps sjellin fitoren e Bashkimit
6 March, 2019 @21:22
Pas performancës brilante të dyshes Drilon Hajrizi dhe Jordan Capps, Bashkimi ka arritur të shënojë fitoren e dytë të sezonit në BIBL dhe kështu i ka ikur fundit të tabelës për momentin.
Ndeshja u vendos në çerekun e fundit, kur Bashkimi ishte më i mirë, edhe pse në sekondat e fundit të lojës, epërsia kaloi një herë te mysafirët, por me pikët e Drilonit Bashkimi kapi fitoren 85-84 [17-21, 23-20, 16-24 dhe 29-19].
Jordan Capps luajti me 35 pikë, 9 kërcime, 1 asistim dhe 1 bllokadë në këtë fitore, ndërsa Drilon Hajrizi me 26 pikë, 8 kërcime e 6 asistime.
Te ekipi kazak, Barsy, më i dalluari ka qenë Donte McGill me 32 pikë të shënuara, që nuk mjaftuan për debutuesin e BIBL për të bërë më shumë në Prizren.
