ROCKETS - LAKERS
FOTO/ nba
Harden shkëlqen përsëri, Lakers bie në vazhdime
20 January, 2019 @12:47
Lakers gjatë ndeshjes e kapi një epërsi prej 21 pikëve, por i pakapshëm ishte super ylli James Harden, i cili së pari e zvogëloi epërsinë e krijuar, më pas e dërgoi
ndeshjen në vazhdime, për ta mposhtur kundërshtarin në pesëminutëshin shtesë të ndeshjes me rezultat 138-134.
James Harden në ndeshjet e fundit është duke luajtur në një nivel shumë të lartë. Ai shkëlqeu edhe në këtë ndeshje duke shënuar 48 pikë, i rrëmbeu 8 kërcime, i bëri 6 asistime dhe i vodhi 4 topa.
Harden ndihmë mori edhe nga Eric Gordon, i cili luajti me 30 pikë.
Te Lakersat më i miri ishte Kyle Kuzma me 32 pikë, derisa mungoi përsëri super ylli LeBron James, për shkak të lëndimit.
Houston ka bilanc prej 26 fitoreve e 19 humbjeve, derisa Lakersat me 25 fitore e 22 humbje aktualisht gjendet jashtë zonës së Play Offit.
