Humbin me rezultat zyrtar, shkak vizat

Skuadra kampione e Kosovës në basketboll, Peja, nuk ka arritur që të paiset me viza për udhëtim në Izrael dhe për këtë arsye kampioni i ligës ballkanike, Galil Gilboa, do ta fitojë këtë ndeshje me rezultat zyrtar, 20-0, ka njoftuar klubi pejan në faqen e saj. 

Kështu Peja do të regjistrojë disfatën e nëntë në kuadër të ligës ballkanike, derisa do t’ia vështirësojë edhe më punët për tu kualifikuar në TOP 6 të BIBL. 

Mospaisja me viza për verdhezinjtë ka ardhur pasi që ambasadat izraelite në vende të ndryshme janë futur në një bojkot politik, derisa Peja mbetet të vajtojë arsyen pse nuk e ka përfunduar këtë punë më herët. 

Sidoqoftë, pasi që nuk është faji i ekipit kosovar për mospaisje me viza, drejtuesit e BIBL kanë vendosur që Pejës t’ia japin pikën e humbësit derisa ekipi izraelit nuk ka pranuar të zhvillojë ndeshjen në një terren neutral.