KOZUV - BASHKIMI
Humbja e 6 me radhë në BIBL
5 February, 2019 @19:19
Humbja e gjashtë rresht e Bashkimit në Ligën Ballkanike erdhi kundër Kozuvit, ndaj të cilit u mposht me rezultat 90-74.
Bashkimi në këtë ndeshje luajti pa yjet si Jordan Capps, Mike Martin e Drilon Hajrizi, derisa nuk mjaftoi për fitore mundi i lojtarëve që ishin në parket.
Te Kozuvi,Igor Kesar shkëlqeu me 33 pikë, 7 kërcime e 2 asistime, derisa u ndihmua edhe nga Nikola Karakolev me 22 pikë të tjera.
Te Bashkimi më të mirët ishin Steven Haney me 24 pikë dhe Lamar Wafford me double-double prej 19 pikëve e 15 kërcimeve.
Bashkimi me një fitore e 9 humbje gjendet në pozitën e pestë në tabelë, derisa fitoren e vetme e kishte regjishtruar pikërisht kundër Kozuvit, kurse Kozuvi me një ndeshje më pak gjendet në pozitën e parafundit me bilanc prej 2 fitoreve e 6 humbjeve.
Siç dihet, Bashkimi tashmë i ka humbur gjasat për arritjen e fazës Play Off.
