Edo pyetet edhe për Ledrin në konferencë

Kapiteni i ekipit të Prishtinës dhe njëri ndër basketbollistët më besnik të skuadrës që përkundër moshës po tregohet ende, Edmond Azemi, ndër të tjera në konferencë për shtyp është pyetur edhe për këngëtarin Ledri Vula, që ka marrë në fillim të stinorit postin e nënkryetarit të klubit.

Nën të qeshura, Azemi ka treguar se është rritur edhe numri i femrave në publik, por edhe organizimi i ekipit me cheerleaders ashtu siç bëjnë ekipet e mëdha në ndeshje, duke shtuar se ka pasur ndikim pozitiv në skuadër.

Sa i përket ndeshjes Edo, pasi që ka falenderuar mediat që kanë ardhë në numër të madh, ka treguar për pritjet e tij që edhe numri i shikuesve në ndeshje të jetë i madh që bashkë me Plisat të arrijnë një sukses tjetër historik me ekipin.

LEXO: SI KUALIFIKOHET PRISHTINA?

Prishtina më 6 shkurt pret ekipin turk Karsiyaka, në kuadër të xhiros së fundit të fazës së dytë grupore të FIBA Europe Cup.

Vetë arritja në fazën e dytë grupore është historike për një skuadër kosovare, ndërsa nëse arrihet edhe sigurimi i TOP 16 të FIBA Europe Cup, atëherë suksesi do të ishte edhe më i madh.