Humbja e parë si vendas

Sigal Prishtina është mposhtur për herë të parë para shikuesve të saj në kuadër të ligës ballkanike. Djelmoshat e trajnerit Ceyhun Cabadak janë ndarë kokëulur nga Pallati i Rinisë dhe Sporteve, duke u mposhtur nga Craiova rumune, që bëri gjithçka për fitore. 

Në anën tjetër, rumunët për herë të parë kanë arritur të shënojnë fitore si mysafir në ligën ballkanike, pasi që deri më tani kishin shënuar fitore vetëm si vendas. 

Craiova ia nisi më mirë takimit duke përfunduar çerekun e parë në avatazh pesë pikësh, 16-21. Mirëpo, në çerekun e dytë prishtinasit u kthyen në lojë për të shkuar në pushim me rezultat 37-37. 

E krejt dallimi në lojë u bë në çerekun e tretë të lojës kur amerikani La Vaz Cortez Seals dhe serbi Mirko Kovac thuajse nuk dështonin asnjëherë nga tentimet për tre pikë për të krijuar avantazh të mjaftueshëm që të hynë të qetë në çerekun e katërt. 

Edhe pse Prishtina në një moment arriti t’i afrohet rumunëve në tre pikë, pas epërsisë 11 pikëshe të mysafirëve, në fund Craiova doli fituese. 

Seals me 24 pikë dhe Mirko Kovac me 17, kanë qenë më të dalluarit te rumunët, derisa në anën tjetër te Sigal Prishtina më efikasi ka qenë Dardan Berisha me 14 pikë të shënuara, që u ndjek nga Aurimas Kieza dhe Blerim Mazreku me nga 11. 

Tabela aktuale.

Statistikat ekipore

	Sigal Prishtina	Craiova
Çereku i parë	16	21
Çereku i dytë	21	16
Çereku i tretë	14	27
Çereku i katërt	21	19
Kërcime	35	28
Asistime	11	18
Bllokada	O	2
Topa të vjedhur	8	7
Topa të humbur	12	14
Tentime për tre pikë	5/25	16/32
Tentime për dy pikë	19/39	14/29
Tentime nga gjuajtjet e lira	19/23	7/9

Statistikat individuale te Sigal Prishtina

1	Dardan Berisha	14 pikë	8 kërcime	4 asistime
2	Aurimas Kieza	11 pikë	7 kërcime	1 asistim
3	Blerim Mazreku	11 pikë	3 kërcime	1 top të vjedhur
4	Tay Waller	10 pikë	1 asistim	1 top të vjedhur
5	Kendrick Jones	9 pikë	3 kërcime	1 asistim
6	K'Zell Wesson	7 pikë	11 kërcime	2 topa të vjedhura
7	Edmond Azemi	7 pikë	2 asistime	1 kërcim
8	Muhamed Hasani	2 pikë	1 asistim
9	Fisnik Rugova	1 pikë	2 kërcime	1 asistim

Statistikat individuale te Craiova

1	Le Var Cortez Seals	24 pikë	3 kërcime	3 asistime
2	Mirko Kovac	17 pikë	3 kërcime	1 asistim
3	Nemanja Maric	16 pikë	6 asistime	4 kërcime
4	Reinar Hallik	9 pikë	2 kërcime	1 asistim
5	Bogdan Popescu	9 pikë	5 kërcime
6	Travis Lee Bureau	4 pikë	6 kërcime	3 asistime
7	Sasha Topcov	4 pikë	3 kërcime	1 asistim