KOSOVA U18
Foto: fiba.com
Humbje minimale, e katërta me radhë
10 July, 2019 @11:43
Vajzat e Kosovës U18 kanë pasur rastin më të mirë për të siguruar fitoren e parë në Grupin A të Evropianit të Divizionit B mbrëmë.
Mirëpo, në momentet e fundit, ato janë mposhtur nga bashkëmoshataret norvegjeze, për të pësuar me rezultat 52-51 [17-11, 13-7, 11-10 dhe 11-23]. Përkundër se kanë qenë gjatë gjithë ndeshjes në disavantazh, vashat kanë arritur të shfrytëzojnë çerekun e katërt për të tentuar rikthimin e madh, por në fund nuk ia dolën.
Me këtë, Kosova U18 ka regjistruar edhe humbjen e katërt në grup dhe pa shumë gjasa dhe pak mundësi për befasi, do të hynë në ndeshjen e fundit të fazës grupore të evropianit ndaj Finlandës favorite sot (14:30).
Më efikaset në ndeshjen ku Kosova U18 deri tash shënoi më së shumti pikë, kanë qenë Enisa Kamerolli me 15 dhe Dea Pushkolli me 14 të shënuara.
Tabela aktuale:
| Finlanda | 4-0 | ||
| Danimarka | 3-1 | ||
| Sllovenia | 3-1 | ||
| Estonia | 1-3 | ||
| Norvegjia | 1-3 | ||
| Kosova | 0-4 |
