SEMINAR
Instruktori i FIBA-së ka mbajtur seminar për referë
27 August, 2017 @19:26
FBK-ja ka organizuar seminar për referët e Kosovës në basketboll.
Seminari për referë është mbajtur në Gjakovë, me instruktorin e FIBA-së, gjithashtu referi që ka referuar në shumë ndeshje në Euroleague dhe Eurocup, kroati Dragan Medan së bashku me sekretarin e FBK-së dhe instruktorin kombëtar të FIBA-së, Faton Kurshumlija.
Dragan Medan gjatë seminarit ka shpjeguar ndryshimet e rregullave të reja që do të zbatohen nga data 1 tetor si dhe mekanikën e referimit gjatë lojës, me teori dhe praktikë.
Të pranishëm në seminarin që është mbajtur mes datave 25-27 gusht ishin këta referë: Visar Bunjaku, Atdhe Goçaj, Ngadhnjim Shabani, Elldin Ugllari, Artan Gashi, Endrit Basha, Genc Vitaku, Egzon Maloku, Amar Djekovic, Fisnik Ramadani, Arian Thaçi dhe Blendi Fejza.
