NETS - CLIPPERS
Irving i pakapshëm nga Clippers
3 February, 2021 @10:58
Me performancën e mirë të Kyrie Irvingut, Brooklyn Nets e mposhti Los Angeles Clippersin me rezultat 124-120.
Kyrie Irving luajti me 39 pikë, ishte koshashënuesi më i mirë i skuadrës nga New Yorku.
Te Brooklyni shkëlqyen edhe Kevin Durant me 28 pikë e 9 kërcime dhe James Harden me triple-double prej 23 pikëve, 14 asistimeve e 11 kërcimeve.
Në anën tjetër te Clippers u dalluan Kawhi Leonard me 33 pikë, Paul George me 26 pikë dhe Nicolas Batum me 21 pikë të tjera.
Brooklyn Nets gjendet në pozitën e dytë me 14 fitore e 9 humbje në Konferencën Lindore, kurse Clippers me 16 fitore e 6 humbje në pozitën e dytë në Konferencën Perëndimore.
