Ish trajneri i Bashkimit dhe Yllit në krye të Prishtinës?

Rezultatet jo të mira në pjesën e parë të kampionatit, duket se i kanë shtyer drejtuesit e Prishtinës që të marrin masa për ngritur ekipin lartë tabelës.

Hapi i parë në këtë drejtim pritet të jetë emërtimi i një trajneri të ri, i cili do ta zëvendësojë trajnerin e deritashëm, Andin Rashica.

Sipas AsistiOnline, bardhekaltërit janë shumë afër të nënshkruajnë me malaziasin Dragan Radovic, i cili e njeh mirë basketbollin kosovar pasi që më parë ka udhëhequr skuadrat si Bashkimi dhe Ylli.

Burimet e këtij mediumi shtojnë se Radovic do t’i bashkohet ekipit shumë shpejtë, ndërsa krahas tij kryeqytetasve do t’i bashkohen edhe tre basketbollistë të huaj.