MH PRISHTINA - ISTOGU
Istogu fiton ngushtë MH Prishtinën
21 January, 2022 @20:41
Istogu ka regjistruar një fitore të rëndësishme ndaj Marigona Hill Prishtinës, duke e mposhtur me rezultat 83-86.
Rezultati ishte i ngushtë në momentet e fundit, derisa 2 minuta para përfundimit të ndeshjes, ka shënuar Nderim Januzaj për ta kaluar Istogun në 3 pikë epërsi.
2 minutat e fundit të ndeshjes, që të dyja skuadrat nuk arritën të shënojnë dhe fitoreja i takoi Istogut.
Amerikani i Istogut, Sam Taylor, shkëlqeu në ndeshjen e parë të tij me 27 pikë, 13 kërcime dhe 9 asistime, ishte shumë afër shifrave triple-double, derisa u ndihmua edhe nga Shendrit Llapi e Dardan Maxharaj me nga 15 pikë.
Te MH Prishtina më i miri ishte Donat Rexhepi me 24 pikë, 8 kërcime e 5 asistime, por nuk mjaftoi për fitore.
Istogu me 6 fitore e 4 humbje e mban hapin për Play Off, kurse MH Prishtina ka bilans prej 3 fitoreve e 7 humbjeve në Ligën e Parë.
Në xhiron tjetër Istogu takohet me Dardanët, derisa Marigona Hill Prishtina përballet me liderin Vëllaznimi.
