NEW BASKET - VËLLAZNIMI
New Basket-Vëllaznimi, fituesi caktohet pas 2 vazhdimeve
21 January, 2022 @19:25
Për ta përcaktuar fituesin në duelin në mes të New Basketit dhe Vëllaznimit, u nevojitën të luhen dy vazhdime.
Pas dy vazhdimeve, Vëllaznimi e mposhti kundërshtarin me rezultat 93-96.
Përforcimi i ri i Vëllaznimit nga Prizreni-16, Michael Green, ishte koshashënuesi më i mirë me 28 pikë, kurse u ndihmua edhe nga Besnik Azemi me 25 pikë e 12 kërcime dhe nga Bardhi Rexha me 23 pikë e 16 kërcime.
Te New Basketi u veçuan, Jordan Robinson me 39 pikë, 12 kërcime e 6 asistime, Hajriz Hazeri me 19 pikë dhe përforcimi i ri Gent Shala me 16 pikë.
Vëllaznimin serinë e fitoreve e ngriti në 10 ndeshje rresht dhe pa humbje, kurse New Basketi ka bilans prej 4 fitoreve e 6 humbjeve.
Në xhiron e 11 Vëllaznimi do të takohet me Marigona Hill Prishtinën, derisa New Basketi e pret Feronikelin.
