PRISHTINA E RE - AS PRISHTINA
Haxhosaj e Polloshka s’mëshirojnë ndaj ish-skuadrës
21 January, 2022 @18:56
Prishtina e Re fitoi derbin lokal kundër AS Prishtinës me rezultat 103-77.
AS Prishtina gjatë afatit kalimtar ka lëshuar dy lojtarët më të mirë të skuadrës, Dion Haxhosaj dhe Don Polloshkën. Pikërisht këta dy ishin më të mirët kundër ish-skuadrës.
Haxhosaj luajti me 35 pikë, 13 kërcime e 6 topa të rrëmbyer, derisa Polloshka me 16 pikë, 15 asistime e 6 kërcime. Te Prishtina e Re u dallua edhe Arbër Sinani me 20 pikë.
AS Prishtina në këtë ndeshje kishte shumë mungesa, derisa u dalluan Nart Jashari e Avdi Metaj me nga 17 pikë secili.
Prishtina e Re me këtë fitore ngritet në pozitën e përkohësisht me 6 fitore e 4 humbje, kurse AS Prishtina me 5 fitore e 5 humbje gjendet në pozitën e katërt.
Në xhiron tjetër, Prishtina e Re takohet me Vushtrrinë, derisa AS Prishtina përballet me Borean.
