SERIA FINALE
REUTERS
James-Wade, barazojnë serinë
14 June, 2013 @9:09
LeBron James ritregoi vlerën e tij si MVP i ligës dhe bashkë me shokët e tij që krijojnë treshen e madhe kanë shkëlqyer në ndeshjen e përfunduar pak më parë për të barazuar serinë në 2-2.
Ndeshja e katërt e cila u zhvillua në AT&T Center të Texasit, mbaroi me fitore të Miami Heat, 109-93, ku LeBron James ka shënuar 33 pikë, Dwyane Wade 32, ndërsa Chris Bosh 20 tjera.
“Kur James, Wade dhe Bosh shënojnë në mënyrë të tillë, është më mirë që mos t’i dalësh përpara,” ka thënë mes tjerash trajneri i San Antonio Spursit, Gregg Popovich, pas ndeshjes.
Në anën tjetër lojtarët me përvojë të San Antonio Spurs nuk arritën që të bëjnë diçka më shumë dhe humbja ishte e pashmangshme. Tim Duncan regjistroi 20 ndërsa 15 pikë të tjera erdhën nga Tony Parker, i cili u kthye nga lëndimi njëditor.
Kjo ka qenë ndeshja e katërt e serisë dhe tash rezultati është i barabartë, të dy finalistët kanë nga dy fitore. Ndeshja e radhës luhet përsëri në AT&T Center të Texasit me San Antonio Spurs si vendas.
Video
Përmbledhja e ndeshjes San Antonio - Miami
FAKT:
| Kjo ka qenë ndeshja ku treshja James-Wade-Bosh kanë shënuar së bashku më së shumti pikë gjatë serisë finale dhe kanë pasur mesatare të përbashkët të saktësisë së shutit mbi 50% |
