NË FAQEN E EKIPIT
Juvacaserta prezenton Berishën
18 February, 2017 @14:51
Skuadra e Serie A-së në basketbollin italian, Juvecaserta, ka bërë të ditur edhe zyrtarisht përmes lajmit në faqen zyrtare të ekipit përforcimin e ri të skuadrës, reprezentuesin e Kosovës, Dardan Berisha.
Duke e përshkruar historinë e tij shkurtimisht me lajmin e titulluar “Nënshkruan Dardan Berisha” Juvecaserta ka bërë të ditur se basketbollisti kosovar ka përvojë nga garat ndërkombëtare dhe ato të Eurobasketit me Poloninë dhe kualifikimeve me Kosovën, si dhe më i miri i BIBL për tre vitet e kaluara, 2014, 2015 dhe 2016.
Dardan Berisha deri tash ka qenë pjesë e ekipit polak, Polfarmex Kutno, prej ku u nda me marrëveshje për të kërkuar skuadër tjetër, gjë që nuk vonoi shumë për basketbollistin më të mirë të Kosovës.
