Juventus në avantazh të madh, por Porto s’duket e dorëzuar

Juventus sot pret Porton në kuadër të ndeshjes së kthimit të 1/8 së finales së Ligës së Kampionëve.

Epërsia nga ndeshja e parë e fituar në Porto, 2-0 në të mirë të Juventusit është e madhe dhe duket vështirë që Porto ka fuqi për ndonjë befasi.

Por, ata nuk vinë të dorëzuar në Torino.

“E kemi planin dhe këtë nuk do t’ua tregojë. Është një shpirt i madh në skuadër dhe këtë dëshirojmë ta hedhim në fushë të lojës. Jemi gati 100% për garë,” ka thënë Nuno Espirito Santo, trajner i Portos para ndeshjes.

Jemi gati 100% - Nuno Esp. Santo, Porto

PIKAT KRYESORE:

-Juventus ka fituar 13 ndeshje radhazi në shtëpi në të gjitha garat;

-Juventus asnjëherë nuk ka humbur në fazën eliminatore, kur ka shënuar fitore në ndeshjen e parë jashtë;

-Porto ka fituar 4 nga 13 ndeshjet e fundit jashtë, me ekipet italiane;

-Porto së fundi ka eliminuar Romën në kualifikime për Ligë të Kampionëve, duke e mposhtur në Olimpico 3-0.

FORMACIONET E MUNDSHME:

Juventus: Buffon; Lichtsteiner, Barzagli, Bonucci, Alex Sandro; Marchisio, Khedira; Cuadrado, Dybala, Mandžukić; Higuaín.

Porto: Casillas; Maxi Pereira, Marcano, Felipe, Layún; Danilo, André André, Óliver Torres; Brahimi, André Silva, Soares.