MËRGIM MAVRAJ
Mavraj: Vështirë të kthehem në kohë për kombëtaren
13 March, 2017 @18:17
Qendërmbrojtësi i kombëtares shqiptare, Mërgim Mavraj, ka bërë një njoftim nëpërmjet faqes së tij zyrtare në Facebook.
Futbollisti që po vuan nga lëndimi, ka thënë se është vështirë të kthehet me kohë, për të qenë i gatshëm për kombëtaren e cila do të ketë dy ndeshje gjatë këtij muaji.
“Periudhë e vështirë pas dëmtimit në një moment shumë delikat si për Klubin ashtu edhe për Kombetaren. Po bëhet maksimumi për rikuperimin por tepër e vështirë për t’u rikthyer në kohë për Kombëtaren,” ka shkruar Mavraj.
Mavraj ishte lënduar në fillim të këtij muaji në ndeshjen e Kupës me ekipin e tij, Hamburg.
