MEVLAN ZEKA
Zeka tregon se kujt ia dedikon golin e shënuar ndaj Lirisë
12 March, 2017 @23:01
Sulmuesi i Feronikelit, Mevlan Zeka, ishte autor i golit të tretë sot për Feronikelin, që dha qetësi dhe i siguroi tri pikë skuadrës në përballje me Lirinë e Prizrenit.
Shiko raportin e ndeshjes LIRIA-FERONIKELI
Pas ndeshjes, Zeka tha se Feronikeli fitoi me meritë, ndërsa goli i tij ishte i nevojshëm për të krijuar qetësi.
“Goli i qetësisë ishte i nevojshëm, duke parë rrjedhën e lojës. Ne ia dolëm të shënojmë tre gola dhe fituam me meritë. Feronikeli s’ka çka pret. Do të fokusohemi nga loja në lojë maksimalisht dhe nga ndeshja në ndeshje do të korrim me sukses nga tri pikë,” tha Zeka.
Në fund ai tregoi edhe se kujt ia dedikon këtë gol.
“Golin ia dedikoj babait, i cili sot mbush plot 57 vjet,” përfundoi sulmuesi gjakovar.
