PARA NDESHJES: TREPÇA'89 - LLAPI
Kampioni me liderin, derbi i ditës
27 September, 2017 @10:46
Trepça’89 e rikthyer në formë dhe Llapi i pamposhtur e lider i Superligës, është derbi i ditës së sotme, të xhiros së shtatë të Superligës që luhet sot.
Kampioni aktual, Trepça’89, ka shënuar fitore të madhë në xhiron që shkoi duke e mposhtur Feronikelin si mysafir dhe tashmë duket se ekipi ka marë krahë për tu rikthyer në pjesën e epërme të tabelës.
Në anën tjetër, Tahir Batatina me Llapin ka nisur tepër mirë stinorin. Ekipi që humbi për pak Europën në stinorin e kaluar, kësaj radhe duket se po marshon mirë në këtë drejtim.
Gjithsesi do të jetë një përballje e madhe në Riza Lushta sot, ndërsa fituesi i kësaj ndeshjeje do të merr një motivim të madh për ndeshjet në vazhdim të kampionatit.
