Miami Heat, gjysmëfinalist i parë i Lindjes

Miami Heat, arriti ta kalojë pengesën e parë, për të shkuar drejt titullit për të tretën herë resht. Ata e eliminuan Charlotte Bobcatsin, duke i mposhtur 4 herë në seri.

Ndeshja e fundit, përfundoi me rezultat 108-98 në të mirë të Miamit, kur Jamesi shkëlqeu me 31 pikë, 9 asistime e 7 kërcime derisa mori një ndihmë 17 pikëshe edhe nga Chris Bosh.

Kurse në anën tjetër, Kemba Walker ishte më i miri me 29 pikë, por ndaj Heatit nuk ishin të mjaftueshëm.

LeBron James, pas ndeshjes deklaroi se përmirësimi i tyre është bërë pas çdo ndeshjeje: 

“Gjëja më e mirë në këtë seri, është se ne jemi përmirësuar çdo natë, ne kemi bërë çdo gjë mirë dhe e ndaluam kundërshtarin, ku do të na ndihmojë për ndeshjet e radhës”.

Miami Heat, do të përballet në gjysmëfinale me fituesin e duelit, Brooklyn Nets-Toronto Raptors, ku rezultati në seri është 2-2.

Video

LeBron James