Kamza fiton Superkupën shqiptare

Kamza Basket ka arritur të mposht në finalen e Superkupës shqiptare Vllazninë që të fitojë këtë trofe mbrëmë, të parin për këtë vit në Shqipëri. 

Basketbollistët e Kamzës kanë arritur që të mbrojnë trofeun, të cilin e fituan edhe vjet duke e mposhtur kampionin shqiptar, Vllazninë me rezultat 67-58 në fund. 

Në fakt shkodranët ia nisën më mirë takimit duke krijuar epërsi të konsiderueshme në fund të pjesës së parë, 30-20, mirëpo në pjesë të dytë djelmoshat e trajnerit Adem Muhametaj rikthyen gjithçka.

Dikur basketbollisti i Sigal Prishtinës, Erkand Karaj, ka qenë më efikasi te ekipi fitues me 26 pikë të shënuara, derisa u dallua edhe Roland Shestani me 14 dhe ish basketbollisti i Bashkimit, Bruno Daliu me 10 pikë. 

Ky ka qenë trofeu i tretë me radhë i Kamzës në Superkupën shqiptare.